នាព្រឹកថ្ងៃអង្គារ ទី៦ ខែតុលា ឆ្នាំ២០២៦ ឯកឧត្តម វ៉ាត់ ចំរើន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពី «ការប្រឆាំងដូប៉ាក្នុងវិស័យកីឡា ដល់អត្តពលិកជម្រើសជាតិឆ្នាំ២០២៦»។
វគ្គបណ្តុះបណ្តាលនេះ មានរៀបចំឡើងរយៈពេល ២ថ្ងៃ គឺចាប់ពីថ្ងៃទី៦ ដល់ថ្ងៃទី៧ ខែតុលា ឆ្នាំ២០២៦ ដោយមានសិក្ខាកាមចូលរួមសរុបចំនួន ១៤២នាក់ ដែលជាអត្តពលិកជម្រើសជាតិឆ្នាំ២០២៦។
នៅក្នុងឱកាសនោះ ឯកឧត្តម វ៉ាត់ ចំរើន បានថ្លែងកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រី និងទីភ្នាក់ងារកម្ពុជាប្រឆាំងដូប៉ាទាំងអស់ ដែលបានខិតខំបំពេញភារកិច្ចទាំងក្នុង និងក្រៅប្រទេស។ ឯកឧត្តមរដ្ឋលេខាិការបានគូសបញ្ជាក់ថា វគ្គបណ្តុះបណ្តាលនេះធ្វើឡើងតាមគោលការណ៍កំណត់របស់ភ្នាក់ងារប្រឆាំងដូប៉ាអន្តរជាតិ ដើម្បីឱ្យគ្រូបង្វឹក និងអត្តពលិកទាំងអស់យល់ដឹងច្បាស់ពីការប្រឆាំងដូប៉ា និងទទួលបាន វិញ្ញាបនបត្របញ្ជាក់អាដេល (ADEL) ដែលជាលក្ខខណ្ឌតម្រូវក្នុងការចូលរួមប្រកួតលក្ខណៈអន្តរជាតិ។ វិញ្ញាបនបត្រនេះត្រូវបានចេញដោយប្រព័ន្ធគ្រប់គ្រងស្វ័យប្រវត្តិរបស់អន្តរជាតិ នៅពេលសិក្ខាកាមទទួលបានចំណេះដឹង និងបំពេញតាមលក្ខខណ្ឌកំណត់។
បន្ថែមពីនេះ ឯកឧត្តម វ៉ាត់ ចំរើន ក៏បានផ្តល់អនុសាសន៍ និងណែនាំនូវចំណុចសំខាន់ៗមួយចំនួន៖
១. កិច្ចព្រមព្រៀងទទួលស្គាល់៖ សហព័ន្ធកីឡាដែលមិនទាន់បានចុះកិច្ចព្រមព្រៀងទទួលស្គាល់ទីភ្នាក់ងារកម្ពុជាប្រឆាំងដូoping និងប្រមាតរដ្ឋតាមវិធានប្រឆាំងដូប៉ាត្រូវប្រញាប់ប្រញាល់ចុះហត្ថលេខាឱ្យបានឆាប់រហ័ស ព្រោះប្រសិនបើសហព័ន្ធណាមិនបានចុះហត្ថលេខាទេ នោះនឹងមិនមានសិទ្ធិបើកការប្រកួតកម្រិតអន្តរជាតិ ឬបញ្ជូនទៅចូលរួមប្រកួតកម្រិតអន្តរជាតិបានឡើយ។
២. កិច្ចសហប្រតិបត្តិការផ្តល់ព័ត៌មាន៖ ស្នើគ្រប់សហព័ន្ធជាតិ មជ្ឈមណ្ឌលជាតិហ្វឹកហ្វឺនកីឡា គណៈកម្មាធិការជាតិប៉ារ៉ាឡាំពិកកម្ពុជា គណៈកម្មាធិការជាតិអូឡាំពិកកម្ពុជា និងភាគីពាក់ព័ន្ធ ត្រូវសហការផ្តល់ព័ត៌មានតាមការស្ទើរសុំរបស់ទីភ្នាក់ងារកម្ពុជាប្រឆាំងដូប៉ា ជាពិសេសព័ត៌មានទាក់ទងនឹងកត្តាកំណត់ពីហានិភ័យដូប៉ាតាមប្រភេទកីឡានីមួយៗ។
៣. ការសិក្សាស្វែងយល់បន្ថែម៖ គ្រប់សហព័ន្ធកីឡាជាតិ គ្រូបង្វឹក និងមន្ត្រីកីឡាទាំងអស់ ត្រូវយកចិត្តទុកដាក់ស្វែងយល់អំពីវិធានប្រឆាំងដូប៉ា ដើម្បីយល់ដឹងពីសិទ្ធិ តួនាទី និងភារកិច្ចរបស់ខ្លួន ជៀសវាងផុតពីកំហុសឆ្គងដែលកើតឡើងដោយអចេតនា។ ជាទីបញ្ចប់ ឯកឧត្តមបានអំពាវនាវដល់សិក្ខាកាមទាំងអស់ឱ្យយកចិត្តទុកដាក់ក្រសែភ្នែកស្តាប់ និងរៀនសូត្រ ដើម្បីយកចំណេះដឹងដែលទទួលបានទៅចែករំលែកបន្តក្នុងសហគមន៍កីឡារបស់ខ្លួន ព្រមទាំងបានប្រកាសបើកវគ្គបណ្តុះបណ្តាលជាផ្លូវការចាប់ពីពេលនេះតទៅ។
លោកស្រី លឿង សុផាណារ៉េត ប្រធានទីភ្នាក់ងារកម្ពុជាប្រឆាំងដូប៉ា បានឱ្យដឹងថា វគ្គដ៏សំខាន់នេះប្រព្រឹត្តទៅក្នុងគោលបំណង ផ្សព្វផ្សាយការយល់ដឹងពីវិធានប្រឆាំងដូប៉ា កម្ពុជា ឆ្នាំ២០២៧ ឱ្យបាន ទូលំទូលាយ ដល់អត្តពលិកជម្រើសជាតិឆ្នាំ២០២៦។ សិក្ខាកាមយល់ដឹងពីអត្ថប្រយោជន៍ និងរបៀបដាក់ស្នើសុំការប្រើប្រាស់ថ្នាំហាមឃាត់៕
