ភ្នំពេញ៖ កាលពីពេលថ្មីៗកន្លងទៅនេះ គណៈកម្មាធិការជាតិអូឡាំពិកកម្ពុជា បានបញ្ជូនមន្ត្រីរបស់ខ្លួន៣រូប ចេញទៅសិក្ខាសាលា 37th KSOC Olympic Academy រៀបចំដោយ គណៈកម្មាធិការអូឡាំពិកសាធារណរដ្ឋកូរ៉េ ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២៣ ខែវិច្ឆិកា ឆ្នាំ២០២៥ នៅសាធារណរដ្ឋកូរ៉េ។
KSOC Olympic Academy គឺជាកម្មវិធីបណ្ដុះបណ្ដាលសំខាន់មួយប្រចាំឆ្នាំរបស់កូរ៉េដែលមានគោលបំណងផ្សព្វផ្សាយទស្សនៈអូឡាំពិក ។ ក្នុងឆ្នាំ២០២៥ លើទី៣៧ នៃកម្មវិធីនេះបានផ្ដោតសំខាន់លើ ៤ចំណុចគឺ:
១- ការអប់រំគុណតម្លៃអូឡាំពិកសម័យទំនើប AI
២- ការគ្រប់គ្រង់កីឡា និងភាពថ្លៃថ្នូរ
៣- បង្កើនការយល់ដឹងវប្បធម៌ និងមិត្តភាពអន្តរជាតិ
៤- ការអភិវឌ្ឍជំនាញដឹកនាំ
គួបញ្ជាក់ផងដែរថាៈ សិក្ខាសាលា 37th KSOC Olympic Academy នេះមានការចូលរួមពី ១១ប្រទេស ដែលក្នុងនោះមកពី កម្ពុជា ម្ចាស់ផ្ទះកូរ៉េខាងត្បូង ចិន ស្រីលង្កា ម៉ុងហ្គោលី សឹង្ហបុរី ចិនតេប៉ិ ថៃ ហុងកុង ប៉ូតាន់ និង ជប៉ុន ៕
