លោក ជឹម ធារ៉ា អគ្គលេខាធិការសហព័ន្ធកីឡាគុនចម្រុះកម្ពុជា បានចាត់ទុកឱកាសចូលរួមធ្វើជាមន្ត្រីបច្ចេកទេសប្រចាំព្រឹត្តការណ៍កីឡាយុវជនអាស៊ី ឆ្នាំ២០២៥ នៅប្រទេសបារ៉ែនជាឱកាសដ៏ពិសេសដើម្បីរៀនសូត្រចំណេះដឹងថ្មីៗបន្ថែមទៀតត្រៀមព្រឹត្តិការណ៍ផ្សេងៗ។
លោក ជឺម ធារ៉ា បញ្ជាក់ថា នេះជាលើកដំបូងហើយដែលលោកបានចូលរួមក្នុងព្រឹត្តិការណ៍បែប Games នេះ តែសម្រាប់ការប្រកួតអន្តរជាតិផ្សងៗទៀតទាក់ទងទៅនឹងការប្រកួតគុនចម្រុះ មានទាំងការប្រកួតលក្ខណៈ Championship និងលក្ខណៈពិភពលោក (World)។ លោកថា នឹងយកមេរៀនទទួលបានពីការចូលរួមព្រឹត្តិការណ៍កីឡាយុវជនអាស៊ីនេះទៅចែករំលែកដល់អ្នករួមកីឡាគុនចម្រុះរបស់លោក។
លោក ជឹម ធារ៉ា ផ្ដើមការហ្វឹកហាត់កីឡាដំបូងគេ គឺកីឡាតេក្វាន់ដូ និងធ្លាប់បានហ្វឹកហាត់កីឡាគុនដាវ ក៏ដូចជា កីឡាជឺជីតស៊ូផងដែរ៕
