លោក នង សារុន ប្រធានការិយាល័យកីឡានៃមន្ទីរអប់រំ យុវជន និង កីឡា ខេត្តកំពង់ឆ្នាំង បានបង្ហាញក្ដីសោមនស្សរីករាយដែលគណៈកម្មាធិការជាតិអូឡាំពិកកម្ពុជាបានរៀបចំវគ្គអប់រំគុណតម្លៃអូឡាំពិកដល់សិស្សានុសិស្សក្នុងខេត្តរបស់លោកនៅវិទ្យាល័យ ព្រះបាទសុរាម្រឹត នៅរសៀលថ្ងៃពុធ ទី១៧ ខែធ្នូ ឆ្នាំ ២០២៥។
លោកប្រធានការិយាល័យយល់ឃើញថា វគ្គអប់រំគុណតម្លៃអូឡាំពិកនឹងបំផុសគំនិត និងចំណេះដឹងដល់ពីកីឡាក៏ដូចជាចលនាអូឡាំពិកដល់សិស្សានុសិស្ស ហើយពួកគេនឹងផ្សព្វផ្សាយដល់មិត្តភក្ដិបន្ត។ លោកថា នេះជាលើកដំបូងហើយដែលសិស្សានុសិស្សខេត្តរបស់លោកទទួលបានការចែករំលែកចេះដឹងពីចលនាអូឡាំពិក។ លោករំពឹងថា សិស្សានុសិស្សរបស់លោកនឹងយល់ដឹងថែមទៀតពីគុណតម្លៃនៃការលេងកីឡា។
លោក សោម សុទ្ធរិទ្ធិពង្ស គ្រូឧទ្ទេសឱ្យដឹងថា សិស្សានុសិស្សបានដឹងពីតម្លៃស្នូលនៃចលនាអូឡាំពិក និងអាចអនុវត្តក្នុងការសិក្សាប្រចាំថ្ងៃរបស់ពួកគេ។ គុណតម្លៃស្នូលនេះមានដូចជា ឧត្តមភាព មិត្តភាព និងការគោរពៗគ្នាទៅវិញទៅមកដែលសិស្សានុសិស្សអាចអនុវត្តក្នុងសិក្សា នកងជីវិតប្រចាំថ្ងៃបាន។
កំពង់ឆ្នាំង គឺជាខេត្តមួយទៀតហើយនៃយុទ្ធនាការផ្សព្វផ្សាយ និងអប់រំគុណតម្លៃអូឡាំពិក ក្នុងសប្ដាហ៍នេះ បន្ទាប់ពីខេត្តកណ្ដាល និងខេត្តកំពង់ស្ពឺ៕
