សហព័ន្ធកីឡាប្រដាល់គុនខ្មែរ នឹងរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ ចាប់ពីថ្ងៃទី២ ដល់ថ្ងៃទី៦ ខែកុម្ភៈ ឆ្នាំ២០២៦ នៅសួនច្បារមាត់ទន្លេតាខ្មៅ។
នេះបើយោង តាមសេចក្តី ជូនដំណឹងរបស់ សហព័ន្ធកីឡាប្រដាល់គុនខ្មែរ ទើបតែបានជូនដំណឹងទៅ បណ្ដា សមាគម ក្រសួង ក្លិបរាជធានី- ។
ឯក ឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ បានគូសបញ្ជាក់ថា ការប្រកួតជើងឯកថ្នាក់ជាតិ ឆ្នាំ២០២៥ មិនមានអ្វីខុសប្លែកពីការរៀបចំជើងឯកថ្នាក់ជាតិ ឆ្នាំ២០២៤ ឡើយ។ ទោះយ៉ាងណា ឯកត្តម សង្ឃឹមថា នឹងមានការចូលរួមច្រើន ពីអត្ដពលិក ស្របពេលដែលស្ថានភាព នៅព្រំដែនកម្ពុជា-ថៃ ហាក់ធូរស្រាលបន្តិច។
ក្នុងឆ្នាំ២០២៥ សហព័ន្ធ បានដាក់វិញ្ញាសាចំនួន១៩ ក្នុងការប្រកួត ក្នុងនោះផ្នែកបុរសមាន៖ ៣៥គីឡូ ក្រាម , ៣៧គីឡូក្រាម, ៣៩គីឡូក្រាម, ៤២គីឡូក្រាម, ៤៥គីឡូក្រាម, ៤៨គីឡូក្រាម, ៥១ គីឡូ ក្រាម, ៥៤គីឡូក្រាម, ៥៧គីឡូក្រាម, ៦០គីឡូក្រាម និង ៦៣.៥គីឡូក្រាម។ ចំណែកវិញ្ញា សានារី មាន៣៥គីឡូក្រាម, ៣៧គីឡូក្រាម, ៣៩គីឡូក្រាម, ៤២គីឡូក្រាម, ៤៥គីឡូក្រាម, ៤៨គីឡូក្រាម, ៥១គីឡូក្រាម និង៥៤គីឡូក្រាម។
សូមរំលឹកថា ការប្រកួតជើងឯកថ្នាក់ជាតិ ឆ្នាំ២០២៤ កាលពីអំឡុងខែកុម្ភៈ ឆ្នាំ២០២៥ សហព័ន្ធកីឡា ប្រ ដាល់ គុនខ្មែរ បានរៀបចំនៅភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ដោយមានអត្ដពលិកចូលរួមសរុប ១៣៩នាក់ មកពី ១៥សមាគមរាជធានី-ខេត្ត៕
