កីឡាករគុនខ្មែរ ឌីម សារុំ នៅតែបង្ហាញក្តីសង្ឈឹមខ្ពស់យកឈ្នះលើ មហា ម៉ាត់ ជាលើកទី២ ក្នុងជំនួបសងសឹកនៅថ្ងៃទី១១ខែមករាខាងមុខនេះ។
កីឡាករគុនខ្មែរ វ័យក្មេង ឌីម សារុំ នឹងត្រូវប៉ះកីឡាករ ប៉ែន កាក់ មហា ម៉ាត់ ដែលជាកីឡាករបរទេសមួយរូប ហ្វឹកហាត់ នៅក្លឹបប្រដាល់ប៉ែន កាក់គុនខ្មែរ នៅថ្ងៃទី១១ នាសង្វៀនប្រដាល់ទូរទស្សន៍ក្នុងស្រុកមួយ។
ជំនួបនៅថ្ងៃទី១១ ខែ មករា ឆ្នាំ២០២៦ខាងមុខនេះ គឺជាជំនួបលើកទី២ ប៉ែន កាត់ មហា ម៉ាត់ ប៉ះកីឡាករ ឌីម សារុំ ដើម្បីសងសឹក ដ្បិតការប៉ះគ្នាលើកទី១ កាលពីឆ្នាំ២០២៥ កីឡាករ មហា ម៉ាត់ ចាញ់ពិន្ទុ កីឡាករ ឌីម សារុំ។
ជាមួយការប៉ះគ្នាក្នុងជំនួបលើកទី២ជាមួយកីឡាករ ប៉ែន កាក់ មហា ម៉ាត់. កីឡាករ ឌីម សារុំ បានអះអាងថា រូបគេបានត្រៀមខ្លួនរួចរាល់ហើយ ។ជាមួយនិងក្តីសង្ឈឹមខ្ពស់ក្នុងជំនឿចិត្តយកឈ្នះកីឡាករ មហា ម៉ាត់ ៧០% ។ តែទោះជាមានក្តីសង្ឈឹមបែបនោះក្តី ឌីម សារុំ នូវតែចាត់ទុក មហា ម៉ាត់ ជាកីឡាករល្អមួយរូប ដែលហ្វឹកហាត់ពេញកម្លាំងពិបាកលើការយកឈ្នះ បើឈ្នះ គឺបានត្រឹមយកឈ្នះដោយពិន្ទុប៉ុណ្ណោះ។
ឌីម សារុំ ថាបើទោះបីរូបគេធ្លាប់វាយយកឈ្នះលើកីឡាករ មហា ម៉ាត់ម្តងរួចទៅហើយក្តី ប៉ុន្តែជំនួបលើកទី២នេះ រូបគេក៏មិនប្តូរទម្រង់វាយខុសពីមុននោះទេ ពោលការវាយគឺមើលទៅនិងស្ថានភាពដែលមិនឱ្យគូសត្រូវចាប់ចំណុចបាន។ សារុំ លើកឡើងថា ជំនួបលើកទី២ ប៉ះ មហា ម៉ាត់ រូបគេនិងប្រឹងប្រែងឱ្យអស់ពីលទ្ធភាព។
គួរឱ្យដឹងថា កីឡាករ ប៉ែន កាក់ មហា ម៉ាត់ ជាកីឡាករបរទេសមួយរូប បានយកឈ្នះកីឡាករគុនខ្មែរ ជាច្រើនរូប ហើយ បានប៉ះ ឌីម សារុំ ក្នុងជំនួប លើកទី១ កាលពីឆ្នាំ២០២៥ បានចាញ់ពិន្ទុ ខណៈការប៉ះគ្នាលើកទី២ នាជំនួបនៅថ្ងៃទី១១ ខែ មករា ឆ្នាំ២០២៦ខាងមុខនេះ ត្រូវបានអ្នកគាំទ្រគុនខ្មែរភាគច្រើន នៅតែដាក់ត្តីសង្ឈឹមខ្ពស់លើកីឡាករ មហា ម៉ាត់ អាចនឹងយកឈ្នះកីឡាករ ឌីម សារុំបាន ដ្បិតកីឡាករបរទេសរូបនេះ ល្អខ្លាំងលើកម្លាំងវាយមិនចេះហត់ និងដើរបុកចូលរហូតកីឡាករខ្មែរមួយចំនួនអស់កម្លាំងមិនអាចតបតបាន៕
