សហព័ន្ធកីឡាជឺជីតស៊ូកម្ពុជាបានរៀបចំវគ្គបណ្ដុះបណ្ដាលដើម្បីអភិវឌ្ឍគ្រូបង្វឹក និង Safeguarding ជាលើកដំបូងប្រព្រឹត្តរយៈពេល៣ថ្ងៃ ពីថ្ងៃទី១២ ដល់ ១៤ ខែកុម្ភៈ ឆ្នាំ២០២៦។
បើតាមការបញ្ជាក់ វគ្គបណ្តុះបណ្តាលជាប្រវត្តិសាស្ត្រលើកដំបូងនេះត្រូវបានកំណត់ថាជារបត់ដ៏សំខាន់មួយក្នុងការពង្រឹងគុណភាពគ្រូបង្វឹក អាជ្ញាកណ្តាល និងមន្ត្រី Safeguarding ទូទាំងប្រទេស។
ដោយមានការសហការជាមួយក្រសួងអប់រំ យុវជន និងកីឡា វគ្គបណ្ដុះបណ្ដាលដ៏ពិសេសនេះ គឺជាគ្រឹះដ៏សំខាន់មួយដើម្បីបោះជំហានទៅកាន់ការអភិវឌ្ឍស៊ីជម្រៅ នៃកីឡាជឺជីតស៊ូនៅកម្ពុជា។
សូមជម្រាបជូនដែរថា សហព័ន្ធកីឡាជឺជីតស៊ូកម្ពុជាគ្រោងនឹងរៀបចំព្រឹត្តិការណ៍កីឡាជើងឯកថ្នាក់ជាតិរបស់ខ្លួនពីថ្ងៃទី៧ដល់ថ្ងៃទី៨ ខែមីនា ឆ្នាំ២០២៦ នៅសាកលវិទ្យាល័យភូមិន្ទភ្នំពេញ។
គួរដឹងដែរថា ក្នុងការខិតខំប្រឹងប្រែងអភិវឌ្ឍទាំងធនធាន និងបច្ចេកទេសកន្លងមក កីឡាករ កីឡាការិនីជឺជីតស៊ូកម្ពុជាតែងតែដណ្ដើមបានមេដាយជាហូរហែលើឆាកអន្តរជាតិ ទាំងកម្រិតយុវជន និងក្រុមធំ៕
