ភ្នំពេញ៖ សហព័ន្ធកីឡាទាញព្រ័ត្រកម្ពុជា នឹងរៀបចំការប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិ និងពានរង្វាន់ខេត្តព្រះសីហនុ ឆ្នាំ២០២៦ ក្រោមប្រធានបទ “លើកស្ទួយវិស័យទេសចរណ៍ឆ្នេរសមុទ្រកម្ពុជា”។ ព្រឹត្តិការណ៍នេះនឹងប្រព្រឹត្តទៅចាប់ពីថ្ងៃទី២៣ ដល់ថ្ងៃទី២៥ ខែកញ្ញា ឆ្នាំ២០២៦ នៅទីលានតេជោ (ពយតាមូង) សង្កាត់លេខ៤ ក្រុងព្រះសីហនុ។
ការប្រកួតចែកចេញជា ២ ប្រភេទវិញ្ញាសា៖
១. ប្រភេទវិញ្ញាសាអាយុក្រោម ១៨ ឆ្នាំ (U18)៖ (សមាគមអាចចុះឈ្មោះដោយសេរី)
- ផ្នែកបុរស៖ ៤នាក់ ទល់ ៤នាក់ (ទម្ងន់ ២៨០គីឡូក្រាម)
- ផ្នែកនារី៖ ៤នាក់ ទល់ ៤នាក់ (ទម្ងន់ ២៤០គីឡូក្រាម)
២. ប្រភេទវិញ្ញាសាមិនកំណត់អាយុ (Open)៖ (មានកំណត់ចំនួនវិញ្ញាសាសម្រាប់សមាគម-ក្លឹប)
- ផ្នែកបុរស៖ ១នាក់ ទល់ ១នាក់ (ទម្ងន់ ៧៥គីឡូក្រាម)
- ផ្នែកនារី៖ ១នាក់ ទល់ ១នាក់ (ទម្ងន់ ៦៥គីឡូក្រាម)
- ផ្នែកបុរស៖ ២នាក់ ទល់ ២នាក់ (ទម្ងន់ ១៥០គីឡូក្រាម)
- ផ្នែកនារី៖ ២នាក់ ទល់ ២នាក់ (ទម្ងន់ ១៣០គីឡូក្រាម)
- ផ្នែកបុរស៖ ៨នាក់ ទល់ ៨នាក់ (ទម្ងន់ ៦០០គីឡូក្រាម)
- ផ្នែកចម្រុះបុរស-នារី៖ ៨នាក់ ទល់ ៨នាក់ (ទម្ងន់ ៥៦០គីឡូក្រាម)
លក្ខខណ្ឌចុះឈ្មោះវិញ្ញាសា Open៖ សមាគម-ក្លឹបនីមួយៗ មានសិទ្ធិចុះឈ្មោះផ្នែកបុរសបាន ២វិញ្ញាសា, ផ្នែកនារីបានទាំង ២វិញ្ញាសា និងផ្នែកចម្រុះបាន ១វិញ្ញាសា។
កាលបរិច្ឆេទ ទទួលពាក្យចាប់ពីថ្ងៃជូនដំណឹងនេះ រហូតដល់ថ្ងៃទី១៦ ខែកញ្ញា ឆ្នាំ២០២៦ វេលាម៉ោង ១៧:០០នាទីល្ងាច។
នៅទីស្នាក់ការសហព័ន្ធកីឡាទាញព្រ័ត្រកម្ពុជា (អគារគណៈកម្មាធិការជាតិអូឡាំពិកកម្ពុជា ជាន់ទី៣)។
ឯកសារតម្រូវ ពាក្យចូលរួមប្រកួត (០២ច្បាប់), កិច្ចសន្យា (០២ច្បាប់), បញ្ជីរាយនាមប្រតិភូ គ្រូបង្វឹក និងកីឡាករ (០២ច្បាប់), អាល់ប៊ុមរូបថត 4cm x 6cm (០២ច្បាប់) និងរូបថតបុគ្គលម្នាក់ៗ 4cm x 6cm (០២សន្លឹក)។
បញ្ជាក់៖ រាល់ការចំណាយលើការស្នាក់នៅ ហូបចុក និងធ្វើដំណើរ ជាបន្ទុករបស់ក្រសួង ស្ថាប័ន រាជធានី-ខេត្ត សាមី។
