កិច្ចប្រជុំគណៈកម្មាធិការប្រតិបត្តិនៃគណៈកម្មាធិការអូឡាំពិកអន្តរជាតិ កាលពីថ្ងៃទី៧ ខែកក្កដា ឆ្នាំ២០២៦ បានសម្រេចលើកការព្យួរជាបណ្តោះអាសន្នលើគណៈកម្មាធិការអូឡាំពិករុស្ស៊ី (ROC) ដែលបានព្យួរចាប់តាំងពីថ្ងៃទី១២ ខែតុលា ឆ្នាំ២០២៣។
សេចក្តីសម្រេចនេះត្រូវបានធ្វើឡើង បន្ទាប់ពីគណៈកម្មការកិច្ចការច្បាប់របស់ IOC បានធ្វើការវិភាគយ៉ាងហ្មត់ចត់ ដោយពិចារណាឃើញថា គណៈកម្មាធិការអូឡាំពិករុស្ស៊ី លែងរាប់បញ្ចូលជាសមាជិកនូវអង្គការកីឡាថ្នាក់តំបន់ណាមួយ ដែលស្ថិតនៅក្នុងដែនដីក្រោមយុត្តាធិការរបស់គណៈកម្មាធិការជាតិអូឡាំពិកអ៊ុយក្រែន ទៀតហើយ។ លើសពីនេះ គណៈកម្មាធិការអូឡាំពិករុស្ស៊ី បានបញ្ជាក់ថា ROC គ្មានគម្រោងធ្វើសកម្មភាពណាមួយនៅក្នុងដែនអធិបតេយភាពរបស់ប្រទេសអ៊ុយក្រែនឡើយ។
គណៈកម្មាធិការប្រតិបត្តិរបស់ IOC នឹងបន្តតាមដានយ៉ាងយកចិត្តទុកដាក់ចំពោះស្ថានការណ៍ពាក់ព័ន្ធនឹងសកម្មភាពណាមួយរបស់គណៈកម្មាធិការអូឡាំពិករុស្ស៊ីនៅក្នុងដែនដីទាំងនោះ ហើយរក្សាសិទ្ធិក្នុងការចាត់វិធានការបន្ថែមទៀត ប្រសិនបើយល់ឃើញថាចាំបាច់។
