ព័ត៌មានលម្អិត

កីឡាករកីឡាការិនី Pickleball លំដាប់ពិភពលោកមកពីជាង២០ប្រទេសចូលរួមការប្រកួតអន្តរជាតិនៅភ្នំពេញ

Published on 24-08-2026 1199 មើល

កីឡាករ កីឡាការិនី pickleball ឆ្នើមៗលំដាប់ពិភពលោកមកពីជាង២០ប្រទេសបានចូលរួមការប្រកួតពានរង្វាន់អន្តរជាតិ STMarket International Cup 2026 នៅ the Commune Pickleball ខណ្ឌទួលគោករាជធានីភ្នំពេញ ពីថ្ងៃ២២ដល់ថ្ងៃទី២៣ ខែសីហា ឆ្នាំ២០២៦។
Uploaded image ឯកឧត្ដម លីម ហ៊ួរនីតា ប្រធានសហព័ន្ធកីឡាផិក្កូប៊លកម្ពុជា មានប្រសាសន៍ថា នេះជាលើកដំបូងហើយដែលកម្ពុជាបានរៀបចំការប្រកួតលក្ខណៈអាជីពបែបនេះ ដោយមានការចូលរួមពីកីឡាករ កីឡាការិនីឆ្នើមៗ ជាពិសេសកីឡា Junior Pro លេខ១ពិភពលោកមកពីសហរដ្ឋអាមេរិក ក៏ដូចជាវត្តមានកីឡាករកីឡាការិនីអាជីពមកពីម៉ិកស៊ីកូ អាហ្វ្រិកខាងត្បូង ម៉ាឡេស៊ី សិង្ហបុរី បារាំង និងប្រទេសជាច្រើនទៀត បូករួមទាំងគ្រូបង្វឹកឆ្នើមៗផងដែរ។

ប្រមុខសហព័ន្ធដដែលឱ្យដឹងដែរថា ផិក្កូប៊ល ក៏ជាកីឡាដែលទាក់ទាញទេសចរ និងអាចកសាងសហគមន៍យ៉ាងល្អ ដោយមិនកំណត់អាយុ និងភេទ។ ជាក់ស្ដែង ការប្រកួតដ៏ធំកាលចុងសប្ដាហ៍កន្លងទៅនេះ មានវត្តមានចូលរួមពីកុមារ កុមារី អាយុ៨ឆ្នាំ ប្រកួតតទល់កីឡាករ កីឡាការិនី ចាស់ៗ។
Uploaded image ដោយសារតែកម្ពុជាមានទីលានកម្រិតស្តង់ដារ ឯកឧត្ដម លីម ហ៊ួរនីតា អះអាងថា នឹងអាចទាក់ទាញជនជាតិបរទេសចូលរួមកាន់តែច្រើន ដែលញុំាងឱ្យមានការប្រកួតកម្រិតអន្តរជាតិបែបនេះជាបន្តបន្ទាប់ទៀត។

ជុំវិញការរៀបចំការប្រកួតដ៏ពិសេសនេះ ឯកឧត្ដមប្រធានសហព័ន្ធសង្កត់ធ្ងន់ថា វត្តមានកីឡាករអាជីពខ្លាំងៗនឹងជួយរួមចំណែកដុសខាត់សមត្ថភាពកីឡាករ កីឡាការិនីក្នុងស្រុក ជាកត្តាអាចអភិវឌ្ឍកីឡាផិក្កូប៊លនៅកម្ពុជាបានយ៉ាងលឿន។ ក្រៅពីការប្រកួត កីឡាករលំដាប់ពិភពលោកទាំងនេះនឹងបន្តស្នាក់នៅដល់ចុងខែសីហា នេះដើម្បីជួយបង្ហាត់ដល់ក្រុមកីឡាជម្រើសជាតិកម្ពុជាដែលនឹងត្រៀមចូលរួមការប្រកួត Pickle World Cup នៅប្រទេសវៀតណាម ខែកញ្ញា ខាងមុខ។
Uploaded image ជាចុងក្រោយ ឯកឧត្ដម លីម ហ៊ួរនីតា បានលើកទឹកចិត្តដល់មហាជនដែលចង់ចូលរួមហ្វឹកហាត់ និងកីឡាផិក្កូប៊លនេះ អាចចូលរួមបាន ដោយសហព័ន្ធមានគ្រូបង្វឹកដែលមានវិញ្ញានបត្រត្រឹមត្រូវ រង់ចាំបង្ហាត់បង្រៀន៕

Uploaded image

អត្ថបទពាក់ព័ន្ធ

Daiichi Junior Cup 2026 បណ្តុះគ្រាប់ពូជបាល់ទាត់វ័យក្មេង ឆ្ពោះទៅកាន់ស្តង់ដារថ្មី

4 ថ្ងៃមុន

លោក គង់ ចាន់ធីណា អរគុណអ្នកគាំទ្រ ក្រោយហាប់គីដូកម្ពុជាឈ្នះមេដាយ ៣៥គ្រឿង

1 សប្តាហ៍មុន

ឯកឧត្តម វ៉ាត់ ចំរើន ចូលរួមពិធីក្រុងពាលីសាងសង់ពហុកីឡដ្ឋានថ្មី ខេត្តស្វាយរៀង

1 សប្តាហ៍មុន

MC Smile ៖ Dragon the Golden Ring ជាវេទិកាសម្រួចសមត្ថភាព និងបណ្តុះធនធានប្រដាល់សក...

2 សប្តាហ៍មុន