ភ្នំពេញ៖ដោយទទួលបានការយកចិត្តទុកដាក់ និងការគាំទ្រពីឯកឧត្តម វ៉ាត់ ចំរើន ប្រធាន សហព័ន្ធកីឡាយុទ្ធគុនចម្រុះកម្ពុជា បានចាត់បញ្ជូនប្រតិភូ មានមន្ត្រីបច្ចេកទេស គ្រូបង្វឹក កីឡាករ និងកីឡាការិនី ចូលរួមការប្រកួត 3rd AMMA Championship ដែលនឹងប្រព្រឹត្តទៅចាប់ពីថ្ងៃទី៩ ដល់ថ្ងៃទី១១ ខែមករា ឆ្នាំ២០២៦ នៅទីក្រុង Luzhou សាធារណរដ្ឋប្រជាមានិតចិន។
ប្រតិភូអត្ពលិកកីឡាកម្ពុជាដែលត្រូវបានសហព័ន្ធកីឡាគុនចម្រុះកម្ពុជាចាត់បញ្ជូនទៅចូលរួមនោះរួមមាន លោក ជឹម ធារ៉ា មន្រ្តីបច្ចេកទេស. .កញ្ញា ខៃ ប៊ុណ្ណារី ជាមន្ត្រីបច្ចេកទេសអន្តរជាតិ .លោក ហ៊ុន ច័ន្ទរាជ្យគ្រូបង្វឹក និង៥រូបទៀតជាកីឡាករកីឡាការិនីមានដូចជា.កញ្ញា ខៀវ ចិន្តារ័ត្ន .កញ្ញា ចេង ដាលីន .លោក ផេង សុបញ្ញា .កញ្ញា គន្ធ វណ្ណនីតា .លោក ស៊ា វិច្ឆិកា .កញ្ញា ម៉ាប់ សុខហួយ។
ការទៅចូលរួមរបស់អត្តពលិកកម្ពុជាទាំង៨រូប ក្នុងព្រឹត្តិការណ៍ប្រកួត3rd AMMA Championship ដែលនឹងប្រព្រឹត្តទៅចាប់ពីថ្ងៃទី៩ ដល់ថ្ងៃទី១១ ខែមករា ឆ្នាំ២០២៦ នៅទីក្រុង Luzhou សាធារណរដ្ឋប្រជាមានិតចិន ដើម្បីប្រកួតជម្រុះទទួលសិទ្ធិចូលរួមការប្រកួតកីឡាអាស៊ីហ្គេម លើកទី២០ នៅប្រទេសជប៉ុន និងការប្រកួតកីឡាអាស៊ីក្នុងសាល និងយុទ្ធគុនលើកទី៧ នៅព្រះរាជាណាចក្រអារ៉ាប៊ីសាអូឌីត។
បេសកម្មចូលរួមប្រជែងដណ្តើមសិទ្ធិចូលក្នុងព្រឹត្តិការណ៍ធំៗខាងលើនេះ ដឹកនាំដោយលោក ជឹម ធារ៉ា អគ្គលេខាធិការសហព័ន្ធកីឡាយុទ្ធគុនចម្រុះកម្ពុជា ។
គួរបញ្ជាក់ផងដែរថា សមាគមកីឡាយុទ្ធគុនចម្រុះអាស៊ីក៏បានអញ្ជើញមន្ត្រីបច្ចេសទេសកម្ពុជាចំនួន ០២នាក់ ទៅបំពេញការងារក្នុងការប្រកួតជម្រុះទទួលសិទ្ធិសិទ្ធិដ៏សំខាន់នេះផងដែរគឺ លោក ជឹម ធារ៉ា ជាអនុប្រធានអាជ្ញាកណ្តាល និងកកញ្ញា ខៃ ប៊ុណ្ណារី ជាមន្ត្រីបច្ចេកទេសអន្តរជាតិ៕
